Չեխիան 2009 թ.-ին Հայաստանի և Եվրամիության փոխհարաբերությունների խորացման հույս ունի. դեսպան
«Դեսպանը բարձր է գնահատել Հայաստանի կողմից Եվրոպական հարևանության քաղաքականության գործողությունների ծրագրի իրականացման ընթացքը», - «Նովոստի-Արմենիա» գործակալությանը տեղեկացրեցին ՀՀ արտգործնախարարության մամուլի և տեղեկատվության վարչությունից։
ՀՀ արտգործնախարարն իր հերթին գոհունակություն է հայտնել հայ-չեխական հարաբերություների արդի վիճակի առնչությամբ` միաժամանակ կարևորելով տարբեր ոլորտներում համագործակցության խորացմանն ուղղված քայլերի անհրաժեշտությունը:
Հանդիպման ընթացքում զրուցակիցները քննարկել են միջազգային կազմակերպություններում հայ-չեխական համագործակցության հարցերը, տնտեսական, կրթության և մշակույթի ոլորտներում փոխգործակցության խորացման հնարավորությունները։
Որպես երկկողմ հարաբերությունների առաջընթացի վկայություն՝ նշվել է հուլիսի սկզբին Չեխիայի ԱԳ նախարար Կարել Շվարցենբերգի Հայաստան կատարելիք պաշտոնական այցը։
Իվան Եսթրաբը ծնվել է 1957թ. Չեխոսլովակիայում: 1976-1981թթ. սովորել է Միջազգային հարաբերությունների Մոսկվայի պետական ինստիտուտում` ստանալով մագիստրոսի աստիճան:
1990 թ.-ից աշխատում է ԱԳՆ համակարգում։ Եղել է Չեխիայի դեսպանը Հնդկաստանում, Շրի Լանկայում, Նեպալում, Բանգլադեշում։ 2002-2004թթ. եղել է Չեխիայի վարչապետի արտաքին քաղաքականության հարցերով խորհրդական, 2004-06թթ.` Սերբիայում և Մոնտենեգրոյում Չեխիայի դեսպան։ 2007թ.-ից նշանակվել է Վրաստանում Չեխիայի դեսպան:
Տիրապետում է անգլերեն, ռուսերեն, դանիերեն, նորվեգերեն, շվեդերեն, սերբերեն և լեհերեն լեզուներին: Ամուսնացած է, ունի երկու դուստր:-0-
