Հայաստանի հնագույն մայրաքաղաք Արտաշատի պեղումների ժամանակ հայտնաբերվել է բաղնիքների համալիր
ԵՐԵՎԱՆ, 10 հունիսի. /Նովոստի-Արմենիա/. Հայաստանի հնագույն մայրաքաղաք Արտաշատի պեղումների ժամանակ հայ հնագետները հայտնաբերել են հասարակական բաղնիքների համալիր, չորեքշաբթի հայտեց Հայաստանի գիտությունների ազգային ակադեմիայի Հնագիտության և ազգագրության ինստիտուտի տնօրեն Պավել Ավետիսյանը։
«Արտաշատի պեղումները սենսացիոն արդյունքներ տվեցին։ Այս տարածքում հայտնաբերվեցին չպահպանված տաճարի տնտեսական մասը և խճանկարե հատակով հասարակական բաղնիքներ»,- երեքշաբթի «Նովոստի» միջազգային մամուլի կենտրոնում ասաց Ավետիսյանը։
Նրա խոսքերով, Արտաշատում առաջին անգամ է հայտնաբերվել բաղնիքների ամբողջական համալիր։
Ավետիսյանը նշեց, որ ստացված տեղեկատվությունը թույլ կտա մասնակիորեն վերականգնել նման բաղնիքների ջեռուցման համակարգը։
Արտաշատը հիմնադրել է Արտաշես թագավորը մ.թ.ա. երկրորդ դարում։-0-
