Սևանա լճում լողափի սեզոնը կբացվի հունիսի կեսին. կանխատեսում
Սևանա լճում լողափի սեզոնը կբացվի հունիսի կեսին, հայտնեց Հայպետհիդրոմետ ծառայության կանխատեսումների բաժնի պետ Գագիկ Սուրենյանը։
Սևանա լիճը տեղակայված է Հայաստանի հյուսիս-արևելքում՝ Գեղարքունիքի մարզում։
«Այժմ Գեղարքունիքի մարզում օդի ջերմաստիճանը մոտ 20 աստիճան է, առաջիկա օրերին կհասնի 23-24 աստիճան տաքության»,- չորեքշաբթի «Նովոստի-Արմենիա» գործակալությանը տված հարցազրույցում ասաց նա։
Ընդ որում նա նշեց, որ լճում ջրի ջերմաստիճանը բավական ցածր է և կազմում է 13 աստիճան՝ 19-20 աստիճան նորմայի պայմաններում։ «Լճում լողալ և արևահարվել կարելի է հունիսի 15-ից հետո»,- նշեց նա։
Սևանա լիճը զբոսաշրջիկներին գրավում է իր դրախտային գեղեցկությամբ և մագնիսական ուժով։ Սևանը հայտնի է նաև իր ձկներով, հատկապես՝ իշխանով։
Սևանի լողավազանի տարածքում գտնվում են մեծ քանակությամբ պատմական հուշարձաններ, որոնք մեծ հետաքրքրություն են ներկայացնում զբոսաշրջիկների համար։ Դրանցից մեկը Սևանի վանական համալիրն է, որը կառուցվել է 7-րդ դարում և գտնվում է թերակղզու վրա։
Սևանա լիճը Եվրոպայի և Ասիայի ամենաբարձր և մեծ լեռնային լճերից մեկն է, գտնվում է Հայկական բարձրավանդակի սրտում՝ 1914 մ բարձրության վրա։ Երկարությամբ՝ հյուսիս-արևմուտքից դեպի հարավ-արևելք, լիճը ձգվում է ավելի քան 70 կմ, իսկ նրա ջրային հայելու մակերեսը հասնում է գրեթե 1500 քառակուսի մետրի։--0--
