Խորհրդանական ընդդիմության լիազորություններն էականորեն ընդլայնվելու են. խոսնակ
ԵՐԵՎԱՆ, 19 մայիսի./Նովոստի-Արմենիա/. Մեկ շաբաթվա կամ տասը օրվա ընթացքում ՀՀ ԱԺ քննարկմանն է ներկայացվելու Ազգային ժողովի կանոնակարգում փոփոխություններ կատարելու նախագիծը, որն ընդլայնելու է ընդդիմության լիազորությունների շրջանակը, տեղեկացրեց ԱԺ խոսնակ Տիգրան Թորոսյանը։
«Նախագծի հիմքում ԵԽԽՎ ընդդիմության իրավունքների պաշտպանության մասին բանաձևն է»,- ասաց նա լրագրողներին երկուշաբթի։
Խոսնակը նկատեց, որ ընդդիմադիր խմբակցության ներկայացուցիչները կարող են առաջնահերթության կարգով ելույթ ունենալ և հարցեր տալ նախարարներին՝ Ազգային ժողովի կառավարական ժամի ընթացքում։
«Խորհրդարանը իշխանության և ընդդիմության միջև երկխոսության հարթակ է։ Կարծում եմ, որ նոր գումարման Ազգային ժողովում ընդդիմությունն արդեն կունենա իր փոխխոսնակին»,- ավելացրեց Թորոսյանը։
Միաժամանակ խոսնակը կարծիք հայտնեց, որ Հայաստանում Հասարակական պալատի ստեղծումը լրացուցիչ պայմաններ կստեղծի իշխանության և ընդդիմության միջև երկխոսության համար։
Ներկայումս ընդդիմությունը խորհրդարանում ներկայացված է միայն մեկ՝ «Ժառանգություն» խմբակցությամբ՝ յոթ պատգամավորով։--0—
