Հայաստանի հարկային պետական ծառայության պետի առաջին տեղակալ կնշանակվի Ահարոն Չիլինգարյանը
ԵՐԵՎԱՆ, 25 ապրիլի. /Նովոստի-Արմենիա/. Հայաստանի հարկային պետական ծառայության պետի առաջին տեղակալ կնշանակվի Ահարոն Չիլինգարյանը, ուրբաթ Հայաստանի կառավարության նիստին հայտնեց երկրի վաւչապետ Տիգրան Սարգսյանը։
Առաջին տեղակալի պաշտոնն այսօր հաստատվել է կառավարության կողմից։
«Հարկային և մաքսային վարչարարության բարեփոխումները հիմնական խնդիրներից են։ Առաջին տեղակալի պաշտոնը մտցնելով՝ մենք ցանկանում ենք ընդգծել, որ հարկային վարչարարության բաեփոխումները նոր ուժ կստանան»,- ասաց վարչապետը։
Նրա խոսքերով, տնտեսական ոլորտի մասնագետները շատ լավ են ճանաչում Չիլինգարյանին։
«Ահարոն Չիլինգարյանը 1990 թվականից մասնակցել է հարկային օրենսդրության ստեղծմանը։ Նա կարգապահ և համեստ մարդ է, իսկական մասնագետ։ Վստահ եմ, որ նրա նշանակումը զգալի խթան կդառնա մի կողմից մեր հարկային ծառայության համար, մյուս կողմից կմեծացնի մեր հանդեպ ժողովրդի վստահությունը»,-- նշեց վարչապետը։-0-
