Իջևան-Երևան մայրուղու վրա ՃՏՊ հետևանքով մեկ մարդ է զոհվել, ևս մեկը վիրավորվել է
17.03.2008,
19:57
Իջևան-Երևան մայրուղու վրա ՃՏՊ հետևանքով մեկ մարդ է զոհվել, ևս մեկը վիրավորվել է
ԵՐԵՎԱՆ, 17 մարտի./Նովոստի-Արմենիա/. Իջևան-Երևան ավտոմայրուղու վրա ճանապարհատրանսպորտային պատահարի հետևանքով զոհվել է մեկ մարդ, ևս մեկը մարմնական վնասվածքներով տեղափոխվել է հիվանդանոց։
Ինչպես երկուշաբթի «Նովոստի-Արմենիային» հաղորդեցին Ոստիկանության լրատվական ծառայությունից, ՃՏՊ-ի մասին ահազանգը նախօրեին ստացվել է Ոստիկանության Իջևանի բաժնում։
Ոստիկանության տվյալներով, «ՀՈՆԴԱ» մակնիշի ավտոմեքենան Իջևան-Երևան ճանապարհին դուրս է եկել ճանապարհի երթևեկելի մասից և շրջվել, ինչի հետևանքով վարորդը տեղում մահացել է, իսկ ուղևորը մարմնական վնասվածքով տեղափոխվել է հիվանդանոց:
Այս փաստով կատարվում է նախաքննություն։--0—
Պատճենել հղումը
