Հայ-թուքական հարաբերությունները կկարգավորվեն միայն ղարաբաղյան հարցի լուծումից հետո. նախկին նախագահ
Հայ-թուքական հարաբերությունները կկգարգավորվեն միայն ղարաբաղյան հարցի լուծումից հետո։ Այս մասին ուրբաթ մամուլի ասուլիսում հայտարարեց Հայաստանի առաջին նախագահ, նախագահի թեկնածու Լևոն Տեր-Պետրոսյանը։
«Քանի դեռ ղարաբաղյան հիմնահարցը կարգավորված չէ, Թուրքիայի հետ սահմանը Հայաստանի համար փակ կլինի»,-ասաց նա՝ հավելելով, որ մինչև այդ որևէ զարգացման սպասելն անիմաստ է։
Տեր-Պետրոսյանը միաժամանակ ճշտեց, որ խոսքը ղարաբաղյան հիմնահարցի վերջնական կարգավորման մասին չէ։
«Եթե այս հարցում արձանագրվի լուրջ առաջընթաց, Թուրքիան կբացի սահմանը, դրանով իր ներդրումն ունենալով այս հիմնահարցի կարգավորման գործում»,-կարծում է նա։
Հայաստանի և Թուրքիայի միջև բացակայում են դիվանագիտական հարաբերությունները՝ թուրքական կողմի առաջ քաշած նախապայմանների պատճառով։ Մասնավորապես, Թուրքիան Հայաստանից պահանջում է հրաժարվել Հայոց Մեծ Եղեռնի ճանաչման միջազգային գործընթացից։
Բացի այդ, Թուրքիան ադրբեջանամետ դիրքորոշում ունի ղարաբաղյան հիմնահարցի կարգավորման հարցում։
Հայ-թուրքական սահմանը փակ է 1993թ.-ից՝ պաշտոնական Անկարայի նախաձեռնությամբ։--0--
