Հայաստանում անցկացվեց «Անհայտ կորածների և նրանց ընտանիքների իրավական պաշտպանություն» թեմայով կլոր սեղան
Հայաստանում հինգշաբթի անցկացվեց «Անհայտ կորածների և նրանց ընտանիքների իրավական պաշտպանություն» թեմայով կլոր սեղան։
Ինչպես նշեց Սահմանադրական դատարանի փոխնախագահ, Հայաստանի Միջազգային իրավունքի ասոցիացիայի ղեկավար Վլադիմիր Հովհաննիսյանը, կլոր սեղանի նպատակն է օրենսդրական փոփոխությունների և այլ միջոցառումների քննարկումը, որոնք անհրաժեշտ են՝ երկրում Անհայտ կորածների վերաբերյալ Եվրոպական նոր կոնվենցիայի կիրառման համար։
«Հաջորդ տարի կոնվենցիան կհաստատվի խորհրդարանի կողմից, և մեզ անհրաժեշտ է մեր օրենսդրությունը համապատասխանեցնել այդ միջազգային փաստաթղթին, որպեսզի այն արդյունավետորեն կիրառվի Հայաստանում»,-ասաց Հովհաննիսյանը։
Իր հերթին Հայաստանի Տրաֆիքինգի հարցերով միջգերատեսչական հանձնաժողովի նախագահ Ձյունիկ Աղաջանյանը նշեց, որ նոր կոնվենցիայի մշակումն ուղղված է անհայտ կորածների որոնման հարցերում միջազգային համագործակցության մեջ առկա մի շարք թերությունների վերացմանը։
«Կարևոր է, որ կոնվենցիան կարգավորում է հարցեր, որոնք կապված են պարտադրված անհետացումների հետ, ինչն ավելի լայն ենթատեքստ ունի, քան բռնի անհետացումը, որը ենթադրում է ուժի պարտադիր կիրառում։ Այստեղ կարող է նկատի առնվել նաև շանտաժը և այլ միջոցները, որոնց միջոցով հնարավոր է մարդուն ստիպել անհետանալ»,-ասաց Աղաջանյանը։
Նրա խոսքերով, կոնվենցիան կարգավորում է ոչ միայն պատերազմի, այլև բոլոր այլ իրադրություններում մարդկանց անհետացման հետ կապված հարցերը։
«Շատ կարևոր է քաղաքական նկատառումներով մարդուն մեկ երկրից մյուսն արտաքսելն արգելող կետը։ Բացի այդ, արգելվում է մարդու վերադարձը երկիր, որտեղ նրա համար կարող են բարդություններ առաջանալ, մասնավորապես, կրոնական բնույթի»,-ասաց Աղաջանյանը։
Կլոր սեղանը կազմակերպվել է Կարմիր խաչի միջազգային կոմիտեի (ԿԽՄԿ), ՀՀ ԱԳՆ-ի, Միջազգային իրավունքի հայկական ասոցիացիայի կողմից։ ԿԽՄԿ տվյալներով, 2007թ. Հայաստանի կազմակերպության նորացված ցուցակում կան 4300 անհայտ կորածներ։
Հայաստանը միջոցներ է ձեռնարկում անհայտ կորածներին հայտնաբերելու ուղղությամբ՝ Ժնևյան համաձայնագրի շրջանակներում։—0--
