Հայաստանի պաշտպանական բարեփոխումներն ուղղված են բանակի մարտունակության պահպանմանը. Գլխավոր շտաբի պետ
Հայաստանի պաշտպանական բարեփոխումներն ուղղված են բանակի մարտունակության պահպանմանը, երկուշաբթի լրագրողներին հայտնեց Հայաստանի զինված ուժերի գլխավոր շտաբի պետ, գեներալ-գնդապետ Սեյրան Օհանյանը։
«Իր 15-ամյա գոյության ընթացքում հայկական բանակը որոշակի հաջողությունների է հասել, և զարգացման այնպիսի մակարդակի է հասել, որը պահանջում է զինված ուժերի բարեփոխումներ՝ ժամանակակից միջազգային չափանիշների կիրառմամբ և այլ բանակների փորձի յուրացմամբ»,-ասաց Օհանյանը։
Նրա խոսքերով, պաշտպանական բարեփոխումները հիմնականում ուղղված են բանակի մարտունակության տարրերի պահպանմանը, այն անձնակազմով համալրելուն, զինվորական կրթության մակարդակի բարձրացմանը, բանակի հագեցմանը ժամանակակից զինատեսակներով և զինվորական տեխնիկայով և դրանց արդիականացմանը, կադրային քաղաքականության կատարելագործմանը։
Նա նշեց, որ բարեփոխումը կներառի նաև կառավարման համակարգը, կարդիականացնի և կկատարելագործի այն։
«Մենք մտադիր ենք բանակը հասարակության համար ավելի թափանցիկ դարձնել»,-ասաց Օհանյանը։
Նրա խոսքերով Զինված ուժերն ավելի ակտիվ կմասնակցեն աշխարհում անվտանգության ժամանակակից համակարգին և կհամագործակցեն այլ երկրների բանակների հետ։--0--
