Լատվիայի ԱԳ նախարարը շրջայց է կատարել Երևանի կոնյակի գործարանում
Լատվիայի ԱԳ նախարար Պետրաս Վայտեիկունասը հինգշաբթի այցելեց Երևանի կոնյակի գործարան։
Նախարարի և նրա պատվիրակության համար գործարանում կատարվեց էքսկուրսիա, որի ընթացքում նրանց ներկայացրեցին գործարանի պատմությունն ու այսօրվա գործունեությունը։
Գործարան այցի ընթացքում նախարարը գրություն թողեց Երևանի կոնյակի գործարանի «Ոսկե գրքում»՝ մաղթելով «գործարանին ամենայն բարիք»։
Միաժամանակ Վայտեիկունասը նշեց, որ հայկական կոնյակի մեծ սիրահար է։ «Հայկական կոնյակը ապշեցրել է ինձ դեռևս ուսանողական ժամանակներից», - ասաց նախարարը՝ մաղթելով Հայաստանին՝ հետագայում ևս պահպանել կոնյակի բարձր որակը։
Նախարարին նաև ցույց տվեցին Լիտվայի նախագահ Վալդաս Ադամկուսի պատվին նվիրված կոնյակի անվանական տակառը, որը գործարանում տեղադրվել է 2006 թ.-ի ապրիլի 26-ին։
Երևանի կոնյակի գործարանի ղեկավարության անունից Վայտեիկունասին նվիրեցին 40 տարվա հնեցման կոնյակ՝ «Սպարապետ»։
Երևանի կոնյակի գործարանում արդեն տեղադրված է տարբեր պետությունների նախագահների, քաղաքական հանրահայտ գործիչների և արվեստի գործիչների անվանական կոնյակի մի շարք տակառներ, որոնց թվում են ՌԴ նախկին նախագահ Բորիս Ելցինը, Էրմիտաժի տնօրեն Միխայիլ Պիատրովսկին, ֆրանսիահայ երգիչ Շառլ Անձնավուրը, Երևանի կոնյակի գործարանի նախկին տնօրեն Պիեռ Լառեչը։--0—
