Լիտվայի ԱԳՆ պատվիրակությունը նոյեմբերի 8-9-ը կայցելի Հայաստան
07.11.2007,
15:34
Լիտվայի ԱԳՆ պատվիրակությունը նոյեմբերի 8-9-ը կայցելի Հայաստան
ԵՐԵՎԱՆ, 7 նոյեմբերի./Նովոստի-Արմենիա/. Լիտվայի ԱԳ նախարար Պետրաս Վայտիեկունասի գլխավորած պատվիրակությունը նոյեմբերի 8-9-ը երկօրյա այցով կժամանի Հայաստան:
Ինչպես «Նովոստի-Արմենիային» տեղեկացրեցին ՀՀ ԱԳՆ մամուլի և տեղեկատվության վարչությունից, այցի շրջանակներում Լիտվայի ԱԳ նախարարը հանդիպումներ կունենա ՀՀ նախագահ Ռոբերտ Քոչարյանի, Ամենայն Հայոց Գարեգին Բ կաթողիկոսի, ԱԺ նախագահ Տիգրան Թորոսյանի, ԱԺ արտաքին հարաբերությունների և եվրաինտեգրման հարցերի մշտական հանձնաժողովների նախագահների հետ:
Պետրաս Վայտիեկունասը կայցելի Եղեռնի հուշահամալիր, որտեղ ծաղկեպսակ կդնի անմեղ զոհերի հիշատակին, կմեկնի նաև Վանաձոր` մասնակցելու Լոռու համայնքի հիմնադրամի բացման արարողությանը:--0—
Պատճենել հղումը
