Ռուսաց լեզվի հայ ուսուցիչները հավաստագրեր են ստացել որակավորման բարձրացման դասընթացների մասին

ԵՐԵՎԱՆ, 15 հոկտեմբերի. /Նովոստի-Արմենիա/. Երևանի և Հայաստանի մարզերի հանրակրթական դպրոցների ռուսաց լեզվի 25 ուսուցիչ երկուշաբթի հավաստագրեր են  ստացել որակավորման բարձրացման դասընթացների մասին։

«Ես համոզված եմ, որ կրթության խնդիրը հայ ժողովրդի գլխավոր խնդիրներից մեկն է։ Մեր ժողովուրդը միշտ հայտնի է եղել իր Ուսուցիչներով և Լուսավորիչներով։ Կրթությունը, որի մասին ես խոսում եմ, պետք է լինի ներքին՝ ուղղված մեզ վրա նաև արտաքինից», - նշեց Ռուս-հայկական (Սլավոնական) պետական համալսարանի ռեկտոր Արմեն Դարբինյանը՝ ելույթ ունենալով ՌՀՀ-ում տեղի ունեցող հանդիսավոր արարողությանը։

Նրա խոսքերով, Հայաստանին անհրաժեշտ է իր սահմաններից դուրս դառնալ իր հոգևորականության, իր մշակույթի քարոզիչը։ «Մենք պետք է կարողանանք աշխարհին մեզ ներկայացնել օբյեկտիվորեն, լավ տեսանկյունից, բացատրել աշխարհին, թե որտեղից են գալիս և ուր են գնում հայ ժողովրդի ակունքները», - հայտարարեց Ա. Դարբինյանը։

 Հայաստանում ՌԴ-ի դեսպանատան կրթության և մշակույթի հարցերով կցորդ Եվգենիա Չեչելյանն իր հերթին ընդգծեց, որ Ռուսաստանի դեսպանատանը այս դասընթացներին վերաբերվում են, որպես կրթության բնագավառում ռուս-հայկական փոխգործունեության հիմնական տարրերից մեկը։ «Սա կարևոր միջոցառում է մեզ համար։ Մենք միշտ սպասում և պատրաստվում ենք նրան», - հայտարարեց նա։

Ռուսաց լեզվի հայ ուսուցիչների համար ՌՀՀ-ում անցկացվող դասախոսությունները կարդում էին Ա. Ս. Պուշկինի անվ. ռուսաց լեզվի պետական ինստիտուտի առաջատար մասնագետներ։

Որակավորման  բարձրացման դասընթացները կազմակերպվել են ՌՀՀ-ի ռուսական սլավոնության ինստիտուտի ռուսաց լեզվի ուսուցիչների վերապատրաստման կենտրոնի կողմից՝ Հայաստանում ՌԴ-ի դեսպանատան աջակցությամբ։ Նման դասընթացներ անց են կացվում 2002 թ.-ից ։-0-