«Միկա» հայկական ֆուտբոլային թիմը մտել է ՈՒԵՖԱ գավաթի որակավորման երկրորդ փուլ

Հինգշաբթի Եվրոպայում տեղի ունեցան ՈՒԵՖԱ գավաթի առաջին որակավորման փուլի պատասխան հանդիպումները։ Արդեն պարզ են դարձել այն թիմերը, որոնք կշարունակեն պայքարը  մրցաշարում, և դրանց թվում կան նաև հետխորհրդային երկրների թիմեր, տեղեկացնում է «ՌԻԱ Նովոստին»։

Աշտարակ քաղաքի «Միկա» ֆուտբոլային թիմը տեղափոխվեց ՈՒԵՖԱ գավաթի հաջորդ փուլ՝ Երևանում պատասխան հանդիպման ժամանակ 1։0 հաշվով հաղթանակ տանելով հունգարական «МТК» թիմի նկատմամբ։ Հանդիպման 27-րդ րոպեին գոլի հեղինակ դարձավ Արտյոմ Ադամյանը։ 

Բուդապեշտում առաջին խաղի ժամանակ «Միկան» զիջեց հունգարացիներին՝ 1։2 հաշվով, սակայն անցավ երկրորդ փուլ՝ օտար դաշտում խփած գնդակի հաշվին։

Լիտվական «Էկրանասը» երկրորդ անգամ հաղթանակ տարավ «Б-36 Տորսխավն» Ֆարերյան կղզիների թիմին՝ իր սեփական դաշտում հաղթանակ տանելով 3։2 հաշվով։ Երկու հանդիպումների ընդհանուր հաշիվը 6։3 է՝ հօգուտ «Էկրանասի»։

 «Ամերի» վրացական թիմը հաղթանակ տարավ լեհական «ГКС»-ի հանդեպ՝ 2։0 հաշվով։ Սակայն 11 մետրանոցների ժամանակ ավելի դիպուկ էին լեհերը, որոնք հաղթանակ տարան 4։2 հաշվով և կշարունակեն պայքարը մրցաշարում։

Մինսկի «Դինամո» թիմի՝ 2։0 հաշվով սեփական հարկի տակ տարած հաղթանակը թույլ տվեց այդ թիմին հանդիպումների հաշիվների ընդհանուր գումարի շնորհիվ հաղթանակ տանել լատվիական «Սկոնտոյի» հանդեպ։ Մեկ շաբաթ առաջ Ռիգայում տեղի ունեցած խաղը ավարտվեց 1։1 հաշվով։-0-