ՀՀ ԱԳ փոխնախարարը սփյուռքահայ ուսանողներին է ներկայացրել Հայաստանի արտաքին քաղաքականության առաջնահերթությունները
ՀՀ ԱԳ փոխնախարար Արմեն Բայբուրդյանը նախօրեին հանդիպել է սփյուռքահայ ուսանողներին, որոնք Երևանում են՝ Հայկական բարեգործական ընդհանուր միության (ՀԲԸՄ) նախաձեռնությամբ։
Ինչպես «Նովոստի-Արմենիա» գործակալությանը տեղեկացրեցին ՀՀ ԱԳՆ մամուլի և տեղեկատվության վարչությունից, փոխնախարարն ուսանողներին է ներկայացրել Հայաստանի արտաքին քաղաքականության առաջնահերթությունները և երկրի առջև ծառացած մարտահրավերները։ Նա մանրամասն ներկայացրել է հարևան պետությունների հետ Հայաստանի փոխհարաբերությունները՝ անդրադառնալով դեռևս չլուծված խնդիրներին և համագործակցության հեռանկարներին։
Ուսանողները հետաքրքրվել են նաև միջազգային կազմակերպություններում Հայաստանի ներգրավվածությամբ, երկրում իրականացվող ծրագրերի արդյունավետությամբ։
Հանդիպման ընթացքում զրուցակիցները քննարկել են նաև Հայաստանի կրթական համակարգին առնչվող խնդիրներ։ --0--
