Հայաստանը և ԱՄՆ-ն մտադիր են շարունակել երկկողմանի համագործակցությունը
18.07.2007,
20:05
Հայաստանը և ԱՄՆ-ն մտադիր են շարունակել երկկողմանի համագործակցությունը
ԵՐԵՎԱՆ, 18 հուլիսի. /Նովոստի-Արմենիա/. Հայաստանը և ԱՄՆ-ն մտադիր են շարունակել երկկողմանի համագործակցությունը։
Ինչպես «Նովոստի-Արմենիա» գործակալությանը հայտնեց ՀՀ ՊՆ մամուլի քարտուղար, գնդապետ Սեյրան Շահսուվարյանը, նման մտադրություն են հայտնել ՀՀ պաշտպանության նախարար Միքայել Հարությունյանը և ԱՄՆ դեսպանության գործերի նորանշանակ ժամանակավոր հավատարմատար Ռուդոլֆ Պերինան։
Հանդիպման սկզբում Մ.Հարությունյանը շնորհավորել է նորանշանակ ժամանակավոր հավատարմատարին` հույս հայտնելով, որ երկուստեք համագործակցությունն էլ ավելի կընդլայնվի վերջինիս պաշտոնավարման ընթացքում և հաջողություն մաղթել նրան` Հայաստանում դիվանագիտական առաքելություն իրականացնելու գործում:
Իր հերթին Ռ. Պերինան կարևորել է ԱՄՆ մշտական դեսպանի ներկայությունը Հայաստանում, ինչը բխում է ԱՄՆ-ի և Հայաստանի շահերից` իր խնդիրը համարելով երկու երկրների հարաբերությունների զարգացմանը նպաստելը:
Հանդիպման ընթացքում կողմերն անդրադարձել են Հայաստան-ԱՄՆ հարաբերություններին, հատկապես՝ ռազմական համագործակցության ոլորտում, ԱՄՆ-ի օգնությանը Հայաստանին, ղարաբաղյան հակամարտության խաղաղ կարգավորման գործընթացին: Կողմերը մտքեր են փոխանակել մեր երկրի զինված ուժերում իրականացվող բարեփոխումների վերաբերյալ:--0—
Պատճենել հղումը
