Ամենայն Հայոց Կաթողիկոսը շնորհավորել է հայ ժողովրդին՝ Սահմանադրության оրվա կապակցությամբ
Ամենայն Հայոց Կաթողիկոս Գարեգին երկրորդը հայրապետական օրհնություն և շնորհավորանքներ է հղել Հայաստանի քաղաքացիներին և ողջ հայ ժողովրդին՝ Սահմանադրության օրվա առթիվ։
Ինչպես «Նովոստի-Արմենիա» գործակալությանը տեղեկացրեցին Մայր աթոռ սուրբ Էջմիածնի մամլո դիվանից, ուղերձում նշվում է հիմնարար սահմանադրական արժեքների և սկզբունքների կարևորությունը, որոնց շնորհիվ վերահաստատվեց հայկական պետականությունը և որոնցով ղեկավարվելով՝ հայ ժողովուրդը պետք է կյանքի կոչի ուժեղ և բարեկեցիկ հայրենիքի կառուցման իր ճշմարիտ հավատը։
"Թող Աստված օրհնի մեր ժողովրդի՝ երկրի առաջընթացին, նոր կյանքի ստեղծմանը և նրա բոլոր հույսերի և սպասումների իրագործմանն ուղղված ջանքերը»,-ասվում է ուղերձում։
Հայաստանի Սահմանադրությունն ընդունվել է 1995 թ. հուլիսի 5-ին՝ համաժողովրդական հանրաքվեով։--0--
