ԵՐԵՎԱՆ, 18 հոկտեմբերի. /Նովոստի–Արմենիա/. Ադրբեջանի նախագահ Իլհամ Ալիևի հայտարարությունը Զանգեզուրի վերաբերյալ Հայաստանի` միջազգային ճանաչում ունեցող երկրի տարածքի նկատմամբ ագրեսիայի ակնհայտ դրսևորում է, ուրբաթ մամուլի ասուլիսում ասաց «Օրբելի» վերլուծական կենտրոնի փորձագետ Տարոն Հովհաննիսյանը։
Ալիևը հոկտեմբերի 15–ին Թուրքալեզու պետությունների համագործակցության խորհրդի նիստում ասել է, որ Զանգեզուրի փոխանցումը Հայաստանին հանգեցրել է թյուրք աշխարհի աշխարհագրական պառակտման։
«Զանգեզուրն այսօր Հայաստանի ինքնիշխան տարածքն է, իսկ Հայաստանը ՄԱԿ–ի անդամ է և միջազգային ճանաչում ունի»,– ասաց նա։
Փորձագետն ընդգծեց, որ Ալիևը փորձում է հասկացնել, որ նույնիսկ Արցախի միջազգային ճանաչումը խոչընդոտ չի հանդիսանա Ադրբեջանի այսօրվա իշխանությունների համար նման ագրեսիվ քաղաքականություն վարելու համար։
«Ո՞րն է երաշխիքը, որ ղարաբաղյան հակամարտությունում զիջումների դեպքում Արցախը կդադարեցնի իր ագրեսիվ քաղաքականությունը։ Ալիևի հայտարարությունը ցույց է տալիս, որ որևէ երաշխիք չկա»,– ասաց Հովհաննիսյանը։
Նա նշեց, որ այս իրավիճակը պետք է արժանանա Մինսկի խմբի երկրների, հատկապես, Ռուսաստանի, Ֆրանսիայի, Գերմանիայի գնահատականին։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
