Ռուսական ռազմական ներկայության դերը դժվար է գերագնահատել. Օհանյան

ԵՐԵՎԱՆ, 29 հունվարի. /Նովոստի–Արմենիա/. Հայաստանում ռուսական ռազմական ներկայության դերը,  տարածաշրջանի անվտանգության ապահովման գործում,  դժվար է գերագնահատել, գտնում է Հայաստանի պաշտպանության նախարար Սեյրան Օհանյանը:

Նրա խոսքով,  Հայաստանի տարածքում ռուսական ռազմական բազան երկու պետությունների ռազմավարական դաշնակցային երկարատև հարաբերությունների փաստի  քաղաքական արտացոլումն է:

«Ռուսական ռազմական ներկայությունը տարածքշրջանի անվտանգության ապահովման գործում դժվար է գերագնահատել: Առաջին հերթին պետք է նշել, որ բազան ամբողջությամբ ներգրավված է Հայաստանի Հանրապետության տարածքում հայ-ռուսական Միացյալ ռազմական խմբավորման ստեղծման գործում: Ելնելով կոլեկտիվ անվտանգության  ապահովման շահերից` մենք  ռազմական ուժերի կիրառման համատեղ օպերատիվ ծրագիր ենք իրականացնում»,-ասել է նախարարը «Կրասնայա զվեզդա» պարբերականին տված հարցազրույցում:

Նրա խոսքով, ՀՕՊ-ի ռազմական մասը, ռուսական ռազմական բազայի ավիացիան և Հայաստանի զինված ուժերը հաջողությամբ համատեղ մարտական հերթապահություն են իրականացնում` ապահովեով հանրապետության օդային սահմանի անվտանգության ապահովման կարևորագույն խնդիրներից մեկը:

«Հայ և ռուս ստորաբաժանումներն ամեն օր մեր հանրապետության տարածքում մասնակցում են ամենատարբեր վարժանքների, ինչպես երկկողմ, այնպես էլ միջազգային ձևաչափով: Ծրագրեր կան նաև մեր փոխգործակցության ամրապնդման առումով»,-ասել է նախարարը:

Նա վստահություն է հայտնել, որ 2016 թվականին շատ փաստաթղթեր գործնականում կբռնեն իրականության ճանապարհը:--0--