Հայ խորհրդարանականները հարգանքի տուրք մատուցեցին 1999թ.–ի ահաբեկության զոհերի հիշատակին

13:50

27 Հոկտեմբերի 2015

ԵՐԵՎԱՆ, 27 հոկտեմբերի. /Նովոստի–Արմենիա/. Հայ խորհրդարանականները մեկ րոպե լռությամբ հարգանքի տուրք մատուցեցին 1999թ.–ին Ազգային ժողովում կատարված ահաբեկության զոհերի հիշատակին։

Ինչպես նշեց խորհրդարանի խոսնակ Գալուստ Սահակայնը խորհրդակններն արդեն առավոտից հարգանքի տուրք են մատուցել ահաբեկության զոհերի հիշատակը` ծաղիկներ խոնհարելով խորհրդարանի այգում տեղադրված հուշաքարին:

Մի խումբ ահաբեկիչներ 16 տարի առաջ ներխուժել էին Ազգային ժողովի նիստերի դահլիճ և կրակ արձակել հանրապետության` այնտեղ գտնվող ղեկավարների` խորհրդարանի և կառավարության անդամների ուղղությամբ։

Ահաբեկիչների գնդակի զոհ են դարձել Հայաստանի վարչապետ Վազգեն Սարգսյանը, խորհրդարանի խոսնակ Կարեն Դեմիրճյանը, փոխխոսնակներ Յուրի Բախշյանը և Ռուբեն Միրոյանը, օպերատիվ հարցերով նախարար Լեոնարդ Պետրոսյանը, պատգամավորներ Արմենակ Արմենակյանը, Հենրիկ Աբրահամյանը, Միքայել Քոթանյանը։

Ահաբեկիչների գործով դատը տևեց 2001-2003 թվականները։ Մեղադրող կողմը պահանջեց գերագույն պատժաչափ, սակայն Հայաստանում մահապատիժը չեղյալ է հայտարարվել 2003 թվականի սեպտեմբերին։

Ցմահ բանտարկության են դատապարտել վեց ահաբեկիչներ, այդ թվում, խմբի ղեկավար Նաիրի Հունանյանը, նրա եղբայր Կարեն Հունանյանը, նրանց քեռին` Վռամ Գալստյանը, ինչպես նաև Դերենիկ Բեջանյանը, Էդիկ Գրիգորյանը և Աշոտ Կնյազյանը։ Համլետ Ստեփանյանը դատապարտվել է 14 տարվա ազատազրկման։

Բոլոր յոթը մեղավոր են ճանաչվել Հայաստանի Քրեական օրենսգրքի մի շարք հոդվածներով` ներառյալ հայրենիքի նկատմամբ դավաճանության, ահաբեկության, առանձնապես վտանգավոր պետական հանցագործությունների իրականացման հոդվածներով։ -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Խորհրդարան #հարգանք #տուրք

Թեմատիկ նյութեր