Ռուսաստանը միշտ հոգատարությամբ է վերաբերվել Հայաստանի հետ դաշնակցային հարաբերություններին. Զախարովա

ԵՐԵՎԱՆ, 27 սեպտեմբերի./Նովոստի-Արմենիա/. Ռուսաստանը միշտ հոգատարությամբ է վերաբերվել Հայաստանի հետ դաշնակցային հարաբերություններին, երբեք չի նախաձեռնել որևէ սրացում և արել է հնարավորը Հայաստանի ժողովրդին ամենադժվար իրավիճակներում աջակցելու համար, ասել է ՌԴ ԱԳՆ պաշտոնական ներկայացուցիչ Մարիա Զախարովան։

«Այդպես կշարունակվի», - ասել է նա չորեքշաբթի կայացած ճեպազրույցում:

Զախարովան նշել է, որ Ռուսաստանը ելնում է նրանից, որ երկկողմ հարաբերությունների զարգացման վերաբերյալ բոլոր պայմանավորվածությունները շարունակելու են իրագործվել՝ ելնելով երկու երկրների ժողովուրդների շահերից։

Նա նաև նշել է, որ Երևանի հետ շփումները շարունակվում են տարբեր մակարդակներով և հույս է հայտնել, որ ազդակները պատշաճ կերպով կընդունվեն։-0-