Պուտինը և Ալիևը կարևորել են հայ-ադրբեջանական սահմանի անվտանգության ապահովմանն ուղղված եռակողմ աշխատանքները

ԵՐԵՎԱՆ, 22 նոյեմբերի./Նովոստի-Արմենիա/. Ռուսաստանի և Ադրբեջանի նախագահներ Վլադիմիր Պուտինն ու Իլհամ Ալիևը երեքշաբթի կայացած հեռախոսազրույցի ընթացքում քննարկել են Ռուսաստանի, Ադրբեջանի և Հայաստանի առաջնորդների՝ Սոչիում 2022թ.-ի հոկտեմբերի 31-ին ձեռք բերված պայմանավորվածությունների, ինչպես նաև բարձր մակարդակում երեք երկրների նախկին համատեղ հայտարարությունների գործնական իրականացման հարցերը:

Ինչպես նշվում է Կրեմլի պաշտոնական կայքում, կարևորվել է եռակողմ ձևաչափով աշխատանքի շարունակակությունը, որն ուղղված է հայ-ադրբեջանական սահմանի անվտանգության ապահովմանը և Հարավային Կովկասում տրանսպորտային կապերի վերականգնմանը:-0-