584.78
6.68
494.78
+33
Եղանակը Երևանում
Հայ

Փաշինյանին զինվորական պատիվներով դիմավորեցին Բեռլինում. Մերկելի հետ քննարկվեց ԵՄ–ի հետ վիզաների ազատականացման ռեժիմը և ոչ միայն (ՖՈՏՈ, ՎԻԴԵՈ)

20:51
01 Փետրվարի 2019

ԵՐԵՎԱՆ, 1 փետրվարի./Նովոստի–Արմենիա/. Պաշտոնական այցով Գերմանիայի Դաշնային Հանրապետությունում գտնվող Հայաստանի վարչապետ Նիկոլ Փաշինյանն այսօր հանդիպում է ունեցել Գերմանիայի կանցլեր Անգելա Մերկելի հետ, հաղորդում է ՀՀ վարչապետի մամուլի ծառայությունը։ 

ԳԴՀ կանցլերի նստավայրում տեղի է ունեցել դիմավորման պաշտոնական արարողություն. բարձրացված են եղել ԳԴՀ, ՀՀ և ԵՄ դրոշները, և կարմիր ուղեգորգի երկայնքով շարված են եղել Պատվո պահակախմբի զինվորները և Զինվորական նվագախումբը: Հայաստանի Հանրապետության և Գերմանիայի Դաշնային Հանրապետության պետական օրհներգերի կատարումից հետո ԳԴՀ կանցլերը ՀՀ վարչապետին հրավիրել է Պատվո պահակախմբի ստուգայցի: 

Ձեռքսեղմումից և արարողակարգային լուսանկարահանումից հետո ՀՀ վարչապետ Նիկոլ Փաշինյանը և ԳԴՀ կանցլեր Անգելա Մերկելը բանակցությունները շարունակել են աշխատանքային ճաշի շրջանակում: 

ԳԴՀ կանցլեր Անգելա Մերկելը ողջունել և կարևորել է Հայաստանի վարչապետի պաշտոնական այցը Գերմանիա՝ վստահություն հայտնելով, որ այն նոր ազդակ կհաղորդի հայ-գերմանական բարեկամական համագործակցությանը: Անգելա Մերկելը նշել է, որ Գերմանիան շահագրգռված է Հայաստանի հետ հարաբերությունների հետագա զարգացմամբ և պատրաստ է քննարկել երկկողմ կապերի ընդլայնման հեռանկարները: 

Ողջունելով 2018 թ. խորհրդարանական ընտրությունների հաջող անցկացումը` ԳԴՀ կանցլերը նշել է, որ Գերմանիան ուշադրությամբ հետևում է Հայաստանում տեղի ունեցող գործընթացներին և պատրաստ է նպաստելու երկկողմ հարաբերությունների ավելի խորացմանը, աջակցել բարեփոխումներին տարբեր ոլորտներում: 

Пашинян_Меркель.jpg

Վարչապետ Նիկոլ Փաշինյանը շնորհակալություն է հայտնել Գերմանիա այցելելու հրավերի և ջերմ ընդունելության համար՝ կարևորելով կանցլեր Մերկելի հետ կրկին հանդիպելու և հայ-գերմանական հարաբերությունների ամրապնդմանն ուղղված կարևոր քննարկումները շարունակելու հնարավորությունը։  

«Հայաստան կատարած Ձեր այցը կարևոր խթան հանդիսացավ հայ-գերմանական փոխգործակցության զարգացման համար։ Ուրախությամբ, նաև՝ հպարտությամբ եմ արձանագրում, որ իմ այցը կայանում է Ձեր այցից ընդամենը հինգ ամիս անց։ Սա նշանակում է, որ մենք երկուստեք տրամադրված ենք հիմք դնելու հայ-գերմանական առավել խորացված և թիրախային համագործակցությանը», -նշել է ՀՀ վարչապետը: 

Կառավարության ղեկավարը վստահություն է հայտնել, որ այսօր առավել, քան երբևէ առկա են նախապայմաններ հայ-գերմանական փոխգործակցության օրակարգը նոր բովանդակությամբ լցնելու համար: 

Նիկոլ Փաշինյանի խոսքով՝ եվրոպական ուղղությունը շարունակում է մնալ Հայաստանի արտաքին քաղաքական առաջնահերթությունների շարքում և այս առումով Գերմանիայի՝ որպես ԵՄ ծանրակշիռ անդամներից մեկի հետ համագործակցությունը կարևոր է։ 

Զրուցակիցները քննարկել են հայ-գերմանական հարաբերությունների օրակարգին վերաբերող հարցերի լայն շրջանակ` երկկողմ ու բազմակողմ ձևաչափով փոխգործակցություն, Հայաստան-Եվրամիություն հարաբերություններ, միջազգային և տարածաշրջանային հարցեր: 

Նիկոլ Փաշինյանը նշել է, որ նախորդ տարվա դեկտեմբերի 9-ին կայացած արտահերթ խորհրդարանական ընտրությունները Հայաստանի պատմության մեջ բացառիկ էին օրենքի տառին, միջազգային չափանիշներին համապատասխանելու առումով, ինչը ևս մեկ անգամ վկայում է կառավարության հանձնառության մասին՝ ամրապնդելու իրավունքի գերակայությունը, ապահովելու մարդու իրավունքների պաշտպանության էլ ավելի բարձր մակարդակ, անկախ դատական համակարգ, հաջողելու կոռուպցիայի դեմ պայքարը:  

«Խորհրդարանական ընտրություններով ավարտվել է հեղափոխության առաջին փուլը: Հայաստանն առաջ է շարժվում ժողովրդավարական արժեքների և ինստիտուտների ուժեղացման ճանապարհով: Այժմ կառավարության օրակարգում տնտեսական հեղափոխությունն է` մեր քաղաքացիների բարեկեցությունը զարգացնելու համար», - նշել է ՀՀ վարչապետը: 

Անդրադառնալով հայ-գերմանական տնտեսական համագործակցության խորացմանը` Նիկոլ Փաշինյանը և Անգելա Մերկելը քննարկել են տեղեկատվական տեխնոլոգիաների, բնապահպանության և այլ ոլորտներում համատեղ ծրագրերի ընթացքը, ինչպես նաև նոր նախաձեռնությունների հնարավորությունները: 

Երկուստեք ընդգծվել է, որ դրանց իրագործումը կնպաստի երկու բարեկամ ժողովուրդների միջև կապերի սերտացմանը և քաղաքացիների բարեկեցության բարձրացմանը: Պայմանավորվածություն է ձեռք բերվել շարունակել ակտիվ երկխոսությունը տնտեսական տարբեր ծրագրերի իրագործման ուղղությամբ: 

Կողմերն անդրադարձել են նաև Եվրոպական միության հետ արտոնագրերի ազատականացման գործընթացի ուղղությամբ աշխատանքներին: 

Զրուցակիցները մտքեր են փոխանակել նաև Լեռնային Ղարաբաղի հիմնախնդրի կարգավորման հարցի շուրջ: Երկուստեք ընդգծվել է ԵԱՀԿ Մինսկի խմբի համանախագահության շրջանակում բանակցային գործընթացի կարևորությունը` որպես խնդրով զբաղվող միակ միջազգային մանդատ ունեցող ձևաչափ:–0–

Partners News
Partners News
ԱՌԿԱ գործակալություն
Բաժնի այլ նյութեր
15:23
15 Հուլիսի 2021
Վաղը Հայաստան կայցելի ԵԽ նախագահը
Վաղը Հայաստան կայցելի ԵԽ նախագահը
09:15
14 Հուլիսի 2021
ԱՄՆ պետքարտուղարը զանգել է Փաշինյանին
ԱՄՆ պետքարտուղար Էնթոնի Բլինքենը զանգել է Փաշինյանին
18:47
13 Հուլիսի 2021
ԱԳՆ են հրավիրվել մի շարք դիվանագիտական առաքելությունների ղեկավարներ Ադրբեջանի կողմից օկուպացված արցախյան տարածքներ այցի կապակցությամբ
ԱԳՆ են հրավիրվել մի շարք դիվանագիտական առաքելությունների ղեկավարներ Ադրբեջանի կողմից օկուպացված արցախյան տարածքներ այցի կապակցությամբ
23:10
06 Հուլիսի 2021
Փաշինյանը Մոսկվայում կհանդիպի Պուտինի հետ
Փաշինյանը Մոսկվայում Պուտինի հետ կքննարկի 2020թ.–ի նոյեմբերի 9-ի և 2021 թ.–ի հունվարի 11-ի եռակողմ հայտարարությունների կատարման ընթացքը
20:49
05 Հուլիսի 2021
ԱԽ քարտուղարը Զասի հետ հեռախոսազրույցի ժամանակ մտահոգություն է հայտնել նրա որոշ ձևակերպումների կապակցությամբ և զսպվածության կոչ է արել
ԱԽ քարտուղարը Զասի հետ հեռախոսազրույցի ժամանակ մտահոգություն է հայտնել նրա որոշ ձևակերպումների կապակցությամբ և զսպվածության կոչ է արել
12:44
24 Հունիսի 2021
Հայկական պատվիրակությունը Մոսկվայում կքննարկի ՀՀ–ում ռուսական ռազմակայանի գործունեության հետ կապված հարցեր
Հայկական պատվիրակությունը Մոսկվայում կքննարկի ՀՀ–ում ռուսական ռազմակայանի գործունեության հետ կապված հարցեր
19:35
23 Հունիսի 2021
Ալիևը զանգել է Պուտինին
Ալիևն այսօր զանգել է Պուտինին
15:18
18 Հունիսի 2021
Պեսկովը մեկնաբանել է Ադրբեջանում թուրքական ռազմաբազայի ստեղծման մասին տեղեկությունները
ՌԴ նախագահի մամուլի քարտուղարը մեկնաբանել է Ադրբեջանում թուրքական ռազմաբազայի ստեղծման մասին տեղեկությունները
12:44
17 Հունիսի 2021
Անհերքելի ապացույց է, որ Ալիևն ու Էրդողանն իրականացնում են մարդկանց առևտուր.հրապարակվել են նրանց զրույցի կադրերը (ՎԻԴԵՈ)
Անհերքելի ապացույց է, որ Ալիևն ու Էրդողանն իրականացնում են մարդկանց առևտուր.հրապարակվել են նրանց զրույցի կադրերը.ՎԻԴԵՈ
13:06
10 Հունիսի 2021
Էրդողանը բանակցություններ կանցկացնի Ալիևի հետ Շուշիում
Էրդողանը բանակցություններ կանցկացնի Ալիևի հետ Շուշիում
13:25
01 Հունիսի 2021
Մեծ Բրիտանիան կոչ է արել Հայաստանին և Ադրբեջանին անհապաղ դուրս բերել զորքերը
Մեծ Բրիտանիան կոչ է արել Հայաստանին և Ադրբեջանին անհապաղ դուրս բերել զորքերը
13:40
31 Մայիսի 2021
Մհեր Գրիգորյան. տարածաշրջանում տրանսպորտային կապերի ապաշրջափակման հարցում առավել տեսանելի են ԽՍՀՄ ժամանակ գործող երկաթգծի ենթակառուցվածքների վերականգնման հնարավորությունները
Մհեր Գրիգորյանը հայտարարել է, որ տարածաշրջանում տրանսպորտային կապերի ապաշրջափակման հարցում առավել տեսանելի են ԽՍՀՄ ժամանակ գործող երկաթգծի ենթակառուցվածքների և ուղիների վերականգնման հնարավորությունները