ԵՐԵՎԱՆ, 12 նոյեմբերի./Նովոստի–Արմենիա/. ՀՀ վարչապետ Նիկոլ Փաշինյանը ստորագրել է հրամանագիր արդարադատության փոխնախարար Աննա Վարդապետյանին պաշտոնից ազատելու մասին։ Փաստաթուղթը հրապարակվել է ՀՀ կառավարության կայքում։
Վարդապետյանը նշանակվել է փոխնախարարի պաշտոնին 2019թ.–ի ապրիլի 5–ին։ Նա համակարգել է նախարարության աշխատանքը ՄԻԵԴ–ի հետ կապերի ապահովման, քաղաքացիական կացության ակտերի պետական գրանցման ոլորտում քաղաքականության մշակման համակարգման բնագավառում, միջազգային պայմանագրերով նախատեսված պարտավորությունների կատարմանն ուղղված ծրագրերի իրականացման ոլորտում։ Վարդապետյանը նաև զբաղվել է էլեկտրոնային կարգավորմամբ, արդարադատության ոլորտում էլեկտրոնային ծառայությունների ապահովմամբ։–0–