ԵՐԵՎԱՆ, 23 հունիսի./Նովոստի–Արմենիա/. «Բարգավաճ Հայաստան»-ը մտադիր է Սահմանադրական դատարանում վիճարկել Ազգային ժողովի կողմից սահմանադրական փոփոխությունների մասին օրենքը՝ որակելով այն հակասահմանադրական։
Загружается новость ... "Лево"
Ինչպես գրում է
armlur–ը, Ծառուկյանի ղեկավարած ուժն ունի 25 պատգամավոր, իսկ Սահմանադրական դատարան դիմելու համար անհրաժեշտ է առնվազն 27 ստորագրություն, հետևաբար՝ առանց «Լուսավոր Հայաստան»-ի աջակցության ՍԴ դիմելու հնարավորություն չի լինի։
ԲՀԿ-ն արդեն ունի 25 պատգամավորների ստորագրությամբ դիմումը, ներկայացրել են ԼՀԿ-ին, ինչից հետո քննարկում են ունեցել «Լուսավոր Հայաստանի»-ի իրենց գործընկերների հետ:
Armlur–ի հաղորդմամբ, «Լուսավոր Հայաստան» խմբակցությունն արդեն ավարտել է քննարկումները և վաղն առավոտյան մամուլի ասուլիս են հրավիրելու, որի ժամանակ էլ կասեն՝ միանում են ՍԴ դիմելու ԲՀԿ-ի նախաձեռնությանը, թե ոչ։
Նախօրեին ԱԺ–ն
ընդունեց Սահմանադրության փոփոխությունների նախագիծը, որով նախատեսվում է ցրել Սահմանադրական դատարանը։
Այսպես, Սահմանադրության 213–րդ հոդվածի նոր խմբագրությամբ դադարեցվում են ՍԴ գործող նախագահ Հրայր Թովմասյանի և ՍԴ այն դատավորների լիազորությունները, ովքեր պաշտոնավարում են ավելի քան 12 տարի։ Մնացած դատավորները շարունակում են աշխատել մինչև այդ ժամկետի լրանալը։ ՍԴ նոր նախագահը պետք է ընտրվի 6 տարի ժամկետով։
Քանի որ ընդունված նախագիծն ամիջականորեն վերաբերում է Սահմանադրական դատարանին, պատգամավորները դեմ քվեարկեցին, որպեսզի այդ փաստաթուղթը ներկայացվի ՍԴ ուսումնասիրությանը։–0–