«Ինքնաոչնչացման վերջնական հանգրվան». Մարուքյանը մեկնաբանել է ՀՀ նախագահի պաշտոնանկության գործընթացը սկսելու հայտարարությունը

ԵՐԵՎԱՆ, 28 փետրվարի./Նովոստի–Արմենիա/. «Լուսավոր Հայաստան» կուսակցության առաջնորդ Էդմոն Մարուքյանը մեկնաբանել է իմքայլական պատգամավոր Վահագն Հովակիմյանի հայտարարությունը ՀՀ նախագահի հնարավոր պաշտոնանկության գործընթացի վերաբերյալ։

«Իշխանությունը փոխանակ փորձի լեզու գտնել բոլորի հետ և այս ճգնաժամի հանգուցալուծումը տա, հիմա էլ ոմանք հայտարարում են, որ Հանրապետության նախագահ Արմեն Սարգսյանին պաշտոնանկ անելու հիմքեր ունեն:

Պատկերացնու՞մ եք՝ խորհրդարանում նման գործընթաց սկսեն: Ուղղակի փորձեք, եթե ուզում եք հասնել ինքնաոչնչացման վերջնական հանգրվան», – գրել է Մարուքյանը Facebook–յան իր էջում։