Հայաստանին երբեք չեն ճնշել որևէ ձևով մասնակցել Ուկրաինայում պատերազմին․ Միրզոյան
09.12.2024,
21:06
Հայաստանին երբեք չեն առաջարկել, չեն ճնշել որևէ ձևով մասնակցել Ուկրաինայում պատերազմին, հայտարարել է Արարատ Միրզոյանը
ԵՐԵՎԱՆ, 9 դեկտեմբերի․/Նովոստի–Արմենիա/․ Հայաստանին երբեք չեն առաջարկել, չեն ճնշել որևէ ձևով մասնակցել Ուկրաինայում պատերազմին։
Այս մասին հայտարարել է ՀՀ ԱԳ նախարար Արարատ Միրզոյանը Ֆինլանդիա այցի շրջանակում «Lännen Media» լրատվական գործակալությանը տված հարցազրույցում։
Լրագրողը հարցրել է, թե որքանո՞վ է Ռուսաստանի հետ ռազմական դաշինքը համատեղելի եվրոպական նպատակների հետ: Կարո՞ղ է արդյոք Հայաստանը ենթարկվել ճնշման՝ մասնակցելու Ռուսաստանի պատերազմին Ուկրաինայի դեմ։
«Անկեղծ ասած, մեզ երբեք չեն առաջարկել, չեն ճնշել և չեն ակնկալել որևէ ձևով մասնակցել Ուկրաինայում պատերազմին: Նման փորձ չի եղել», – պատասխանել է Միրզոյանը։
Պատճենել հղումը
