Հայաստանի և Ադրբեջանի ԱԳ նախարարների քննարկումները կմեկնարկեն հունիսի 12–ին Վաշինգտոնում. ԱԳՆ

ԵՐԵՎԱՆ, 5 հունիսի./Նովոստի–Արմենիա/. Հայաստանն ու Ադրբեջանը հարաբերությունների հաստատման ու խաղաղության պայմանագրի շուրջ բանակցությունները կշարունակեն արտաքին գործերի նախարարների մակարդակով, հայտնել է ԱԳՆ մամուլի խոսնակ Անի Բադալյանը։

Նա նաև նշել է, որ քննարկումների հաջորդ փուլը նախատեսվում է անցկացնել ԱՄՆ-ի մայրաքաղաք Վաշինգտոնում։

«Հայաստանի արտաքին գործերի նախարար Արարատ Միրզոյանի և Ադրբեջանի արտաքին գործերի նախարար Ջեյհուն Բայրամովի մասնակցությամբ քննարկումները մեկնարկելու են հունիսի 12-ին։ Այլ մանրամասներ լրացուցիչ կհայտնենք»,- նշել է ԱԳՆ մամուլի խոսնակը։–0–