Համացանցում իսկական սկանդալ է Բելառուսում Ադրբեջանի նախկին դեսպանի «խոզային» հայտարարությունների պատճառով (ՎԻԴԵՈ)

ԵՐԵՎԱՆ, 11 օգոստոսի./Նովոստի–Արմենիա/. Համացանցում իսկական սկանդալ է հասունացել Բելառուսում և մի շարք այլ երկրներում Ադրբեջանի նախկին դեսպան, գիտությունների դոկտոր, պրոֆեսոր Իսֆանդիար Վագաբզադեի` վերջերս արված հայտարարությունների կապակցությամբ։

ՌԼԴԿ առաջնորդ Վլադիմիր Ժիրինովսկուն ուղղված իր տեսաուղերձում Վագաբզադեն վիրավորական արտահայտություններ է անում Ժիրինովսկու և ռուս ժողովրդի հասցեին։

Սոցցանցերի ռուսական հատվածում արդեն սկսել են հայտնվել վրդովված արձագանքներ։ Այսպես, հայտնի ռուս լրագրող և հեռուստահաղորդավար Վլադիմիր Սոլովյովը սպասում է Ադրբեջանի պաշտոնատար անձանց արձագանքին։

«Այս քաղաքացին իրեն հաշիվ տալի՞ս է, թե ինչ մակարդակի սկանդալ կլինի։ Հետաքրքիր է լսել Ադրբեջանի պաշտոնատար անձանց կարծիքը։ Նա սադրիչ է, ոչ թե դիվանագետ և գիտությունների դոկտոր։ Այս մարդն իր տանը չի արժանացել հարգանքի և փորձում է ողջ ուժով հիշեցնել իր մասին», – գրել է Սոլովյովը Telegram–ում։

Իսկ քաղաքագետ Սերգեյ Կառնաուխովը ներկայացրել է այն հոդվածները, որոնցով Վագաբզադեն կարող է ենթարկվել պատասխանատվության։

Մեկ այլ քաղաքագետ Սարգիս Ծատուրյանը պատասխանել է Սոլովյովին` կարծիք հայտնելով, որ այս հայտարարության կապակցությամբ Մոսկվայից պաշտոնական արձագանքի չարժե սպասել։

«Ոչ մի սկանդալ էլ չի լինի, Վլադիմիր Ռուդոլֆովիչ։ Եվ Դուք դա գիտեք։ Մոսկվայում արդեն սովորել են նման վերաբերմունքի։ Կարևորն ավելորդ անգամ չնեղացնել մինիսուլտանատին, որի հետ Կրեմլն ունի ռազմավարական հարաբերություններ», – ավելացրել է նա։–0–