Եվրոպական խորհրդում «ուղղում են կատարել» Ադրբեջանի տարածքի չափսերի մեջ

ԵՐԵՎԱՆ, 15 մայիսի./Նովոստի–Արմենիա/. Եվրոպական խորհրդի նախագահ Շառլ Միշելի ընթերցած մեկնաբանություններում, որոնք նախատեսված էին մամուլի համար, սխալ է թույլ տրվել, Twitter-ի իր միկրոբլոգում գրել է Եվրոպական խորհրդի նախագահի պաշտոնական ներկայացուցիչ Բարենդ Լեյցը։

«Նախագահին անզգուշությամբ տրամադրվել է սխալ թիվ։ Ադրբեջանի տարածքի ճիշտ թիվը 86 600 քառակուսի կիլոմետր է, սխալն անմիջապես ուղղվել է ելույթի տպագիր տարբերակում»,- գրել է Լեյցը։

Ամփոփելով Բրյուսելում Հայաստանի վարչապետի և Ադրբեջանի նախագահի բանակցությունները՝ Միշելը հայտարարել է, որ «առաջնորդները վերահաստատել են իրենց անվերապահ հավատարմությունը 1991թ. Ալմաթիի հռչակագրին և Հայաստանի (29800 կմ2) և Ադրբեջանի (89.600 կմ2) համապատասխան տարածքային ամբողջականությանը»։-0-