ԵՐԵՎԱՆ, 10 հունիսի./Նովոստի–Արմենիա/. Թուրքիայի նախագահ Ռեջեփ Թայիպ Էրդողանը բանակցություններ կանցկացնի ադրբեջանցի գործընկեր Իլհամ Ալիևի հետ Շուշիում։
Ինչպես հաղորդում է «Իզվեստիա»–ն, այս մասին թուրք առաջնորդը հայտարարել է հունիսի 9–ին Անկարայում «Արդարություն և զարգացում» կուսակցության խորհրդարանական խմբակցության նիստի ժամանակ։
Նրա խոսքով, հանդիպումը տեղի կունենա հունիսի 15–ին, նշում է Haber Turk–ը։
«Բրյուսելում ծրագրի ավարտից հետո ես կմեկնեմ Բաքու, կհյուրընկալեմ նախագահ Իլհամ Ալիևին։ Այնտեղից մենք կգնանք Շուշի», – ասել է նա` պարզաբանելով, որ այնտեղ կկազմակերպվեն մի շարք միջոցառումներ և հանդիպումներ։
Հունվարին Էրդողանը ՌԴ նախագահ Վլադիմիր Պուտինի հետ հանդիպման ժամանակ նշել է, որ Թուրքիան կներդնի անհրաժեշտ ավանդ` Լեռնային Ղարաբաղում կայունությանն աջակցելու համար։ Անկարան կսատարի նոր ժամանակաշրջանում` հանուն տարածաշրջանում կայունության և խաղաղության։
Հունվարի սկզբին Ալիևը, ընդունելով երկրի մշակույթի նորանշանակ նախարար Անար Քերիմովին, Շուշի քաղաքը հռչակել է Ադրբեջանի մշակութային մայրաքաղաք։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում