«Էրդողան, դադարի′ր ստել». Իսրայելի վարչապետն Էրդողանին է հիշեցրել «հայ ժողովրդի սարսափելի կոտորածը» (ՎԻԴԵՈ)
ԵՐԵՎԱՆ, 25 սեպտեմբերի./Նովոստի–Արմենիա/. Իսրայելի վարչապետ Բենյամին Նեթանյահուն կոչ է արել Թուրքիայի նախագահ Ռեջեփ Թայիպ Էրդողանին «դադարել ստել»։
«Նա, ով չի դադարում ստեր տարածել Իսրայելի մասին, սպանել քրդերին սեփական երկրում և ժխտել հայ ժողովրդի սարսափելի կոտորածը, չպետք է խրատի Իսրայելին։ Էրդողան, դադարի′ր ստել», – հայտարարել է Նեթանյահուն Twitter–ի իր էջում հրապարակված տեսաուղերձում։
Ինչպես հաղորդում են իսրայելական ԶԼՄ–ները, Էրդողանը ՄԱԿ–ի ամբիոնից քննադատել է Իսրայելին` հայտարարելով, որ «իր համար հետաքրքիր է, թե որտեղ են այդ երկրի սահմաններն ու ինչու է այն միշտ ընդլայնվում, այն դեպքում, երբ Պաղեստինն անընդհատ նեղանում է»։–0–
Prime Minister Benjamin Netanyahu, referring to President Erdogan's remarks:
— PM of Israel (@IsraeliPM) September 24, 2019
"He who doesn't stop lying about Israel, slaughters the Kurds in his own country, and denies the terrible slaughter of the Armenian people – shouldn't preach to Israel.
Erogan, stop lying." pic.twitter.com/jtpLpVAscf
