Առուշ Առուշանյանն ազատ արձակվեց դատարանի դահլիճից

ԵՐԵՎԱՆ, 28 մարտի./Նովոստի-Արմենիա/. Սյունիքի մարզի ընդհանուր իրավասության դատարանը քիչ առաջ հրապարակեց Առուշ Առուշանյանի գործով վճիռը։ 

Նրա նկատմամբ պատիժը, որը նախատեսում էր 6 ամիս 12 օր ազատազրկում, պայմանականորեն չի կիրառվի:

Ըստ դատարանի վճռի, կնշականվի փորձաշրջան:  Առուշանյանն ազատ արձակվեց դատարանի դահլիճից։

Ըստ դատավճռի՝ Առուշանյանը չի կարողանա ղեկավարել Գորիս համայնքը։

Նշենք, որ ՀՔԾ-ն հուլիսի 15-ին հայտարարել էր Առուշանյանին մեղադրանք առաջադրելու մասին։ «Հայաստան» դաշինքի ընտրական ցուցակի 32-րդ համարը զբաղեցնող Առուշանյանը հիշյալ դաշինքի օգտին առավելագույն քվեներ ապահովելու և ընտրություններում ցանկալի արդյունք արձանագրելու անձնական և խմբային շահերից ելնելով՝ նախապատրաստել է ծանր հանցագործություն, այն է՝ երկու և ավելի ընտրողԸստ դատավճռի՝ Առուշանյանը, սակայն, ազատ արձակվելով՝ չի կարողանա ղեկավարել Գորիս համայնքը։ի կաշառք տալը:

Նրան մեղադրանք է առաջադրվել ՀՀ քրեական օրենսգրքի 35-154.2-րդ հոդվածի 4-րդ մասի 2-րդ կետով, 38-149-րդ հոդվածի 2-րդ մասի 4-րդ կետով և 38-154.2-րդ հոդվածի 3-րդ մասով:

Մյուս քրեական գործը, որը միացվել է սույն վարույթին, ավելի վաղ է ուղարկվել դատարան և քննվում էր Սյունիքի մարզի ընդհանուր իրավասության դատարանի վարույթում։

Սույն գործով որպես մեղադրյալ ներգրավելու մասին որոշման համաձայն՝ Ա.Առուշանյանն իր ընտանիքին պատկանող մեկ այլ ՍՊ ընկերությունում 2020թ. հունվար-փետրվար ամիսներին կատարված գույքագրմամբ արձանագրված շուրջ 33,000,000 ՀՀ դրամ պակասորդի վերաբերյալ պարզաբանումներ ստանալու և պատճառված վնասը հատուցելուն հարկադրելու նպատակով 2020թ. փետրվարին ընկերության պահեստ է կանչել ՍՊ ընկերության աշխատակցին և վերջինիս հետ հանդիպման ընթացքում ֆիզիկական բռնություն գործադրելով և բռնություն գործադրելու սպառնալիքով, որպես պատճառված ենթադրյալ վնասի դիմաց փոխհատուցման միջոց՝ աշխատակցից պահանջել է իրեն տրամադրել նրան պատկանող «Նիսսան պայտֆայնդեր» մակնիշի ավտոմեքենան, բանկում գրավադնել կնոջ հարազատներին պատկանող բնակարանը և ստացած վարկային միջոցները տրամադրել իրեն:-0-