ԵՐԵՎԱՆ, 12 հունիսի./Նովոստի–Արմենիա/. Երեկ ՀՀ–ում ԱՄՆ դեսպան Թրեյսին վիրտուալ հանդիպում է ունեցել ՀՀ տարածքային կառավարման և ենթակառուցվածքների նախարար Սուրեն Պապիկյանի հետ։
Այս մասին նշվում է ԱՄՆ դեսպանատան Facebook–յան էջում։
«Քննարկել է, թե ինչպես կարող են Հայաստանն ու Միացյալ Նահանգները գործակցել այն կարևորագույն հարցերի շուրջ, որոնք կնպաստեն Հայաստանի կայուն և ներառական տնտեսական աճին, այդ թվում՝ ենթակառուցվածքների զարգացմանը և էներգետիկ անվտանգության բարելավմանը», – նշվում է հաղորդագրության մեջ։
Էներգետիկ նախագծեր
2019թ.–ի հոկտեմբերին ՀՀ տարածքային կառավարման և ենթակառուցվածքների փոխնախարար Հակոբ Վարդանյանը հանդիպել է ԱՄՆ Պետքարտուղարության և էներգետիկայի հարցերով դեպարտապենտի ներկայացուցիչների հետ։ Նա նշել է, որ հայկական կողմը շահագրգիռ է ամերիկյան արտադրության փոքր մոդուլային ռեակտորի կառուցման հարցում։
ԱՄՆ պատվիրակության անդամներն ընդգծել են, որ ամերիկյան կողմը շահագրգիռ է Հայաստանի հետ փոխգործակցության խորացմամբ էներգետիկայի ոլորտում և միջուկային էներգետիկայի անվտանգ շահագործման հարցում։
Հայաստանը հրաժարվեց ռուսական վարկից
Մոտ մեկ շաբաթ առաջ հայտնի դարձավ, որ Հայաստանը հրաժարվում է 300մլն դոլարի ռուսական պետական արտահանման վարկի մի մասից, որը տրամադրվել է հայկական ԱԷԿ–ի 2–րդ էներգաբլոկի արդիականացման համար (2015թ.–ի փետրվարի 5–ի համաձայնագրի համաձայն)։
2019թ.–ի ապրիլին հայկական կողմը դիմել էր ՌԴ ֆինանսների նախարարությանը` առաջարկելով նախագծի շուրջ իրականացվող աշխատանքների ուշացման ֆոնին երկարաձգել վարկի ժամկետն ու տեղափոխել փոխառության մարման սկիզբը` 2019թ.–ի դեկտեմբերի 31–ից 2021թ.–ի դեկտեմբերի 31–ը, սակայն դա տեղի չունեցավ։
Պապիկյանի խոսքով, այս պահին ռուսական վարկից չօգտագործված է մնում 107 մլն դոլար։
Հունիսի 11–ին ՀՀ կառավարությունը
հաստատեց 63,2մլրդ դրամի չափով բյուջետային վարկի տրամադրումն այդ նպատակներով։ Նախատեսվել է, որ բյուջետային վարկի համար անհրաժեշտ միջոցներն ապահովելու նպատակով ՀՀ ֆինանսների նախարարությունը կթողարկի լրացուցիչ պետական գանձապետական պարտատոմսեր։–0–
