ԵՐԵՎԱՆ, 12 նոյեմբերի. /Նովոստի–Արմենիա/. Նախիջևանի ուղղությամբ Ադրբեջանը ոչ մի տարածք «չի ազատագրել», երկուշաբթի ասաց պաշտպանության նախարարի պաշտոնակատար Դավիթ Տոնոյանը մամուլի ասուլիսում։
Ադրբեջանական զինված ուժերը հունիսի 30–ին և հուլիսի 1–ին Նախիջևանի ուղղությամբ փորձել են դիրքերի ամրացման ինժեներական աշխատանքներ իրականացնել։ Հայկական զինված ուժերը պատասխան կրակ են բացել և թույլ չեն տվել հակառակորդին իրականացնել այդ գործողությունները։ Հայկական կողմի գնդակոծման հետևանքով ամբողջովին ոչնչացվել և այրվել է հակառակորդի դիրքերից մեկը։
Օգոստոսի 13–ին Հայաստանի պաշտպանության նախարարության մամուլի քարտուղար Արծրուն Հովհաննիսյանն ասել է, որ Հայաստանը կրակով է պատասխանել Նախիջևանում Ադրբեջանի սադրանքներին։
Загружается новость ... "Лево"
«Ադրբեջանի զինված ուժերն առաջ են անցել, բայց այդ տարածքը եղել է դիրքերի միջև, ընդ որում` Նախիջևանի տարածքում, որը երբեք չի եղել Հյաաստանի զինված ուժերի զինված ուժերի վերահսկողության ներքո»,– ասաց Տոնոյանը։
Նրա խոսքով, հայ զինծառայողները հաջողությամբ անհրաժեշտ գործողություններ են ձեռնարկել` նման տեղաշարժերի պատճառով հնարավոր առավելությունները չեզոքացնելու համար։
Տոնոյանը նաև նշեց, որ աշխատանք է տարվում քաղաքացիական բնակչության հետ, որ նմանատիպ տեղաշարժերը չընկալվի որպես սպառնալիք, այլ մարդիկ հասկանան, որ հնարավոր ռիսկերը հայկական կողմը նվազագույնի է հասցրել։
Նախիջևանի Ինքնավար Հանրապետությունը պատմական հայկական տարածք է, այսօր համարվում է Ադրբեջանի էքսկլավ և ունի ինքնավար պետության կարգավիճակ Ադրբեջանի Հանրապետության կազմում։ -0-
-