Անդրանիկ Քոչարյանը մեկնաբանել է իրեն ԱԺ պաշտպանության հանձնաժողովի նախագահի պաշտոնից հեռացնելու մասին լուրերին
ԵՐԵՎԱՆ, 29 հոկտեմբերի./Նովոստի-Արմենիա/. «Քաղաքացիական պայմանագիր» խմբակցության ղեկավար Հայկ Կոնջորյանն արձագանքել է մամուլում տարածված տեղեկություններին, որոնց համաձայն՝ ՔՊ-ում բարձրացվել է ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանին հանձնաժողովի նախագահի պաշտոնից հեռացնելու հարցը։
«Նման օրակարգ չկա, նման հարց երբևէ չի քննարկվել ՔՊ-ում»,- նշեց նա։
«Քաղաքացիական պայմանագրի» պատգամավոր Սիսակ Գաբրիելյանը ևս արձագանքել է հարցին՝ վերահաստատելով, որ նման հարց չի քննարկվել։
«Ես նման տեղեկություն չունեմ, այստեղ գալուց առաջ էլ տեղեկացա, որ «Քաղաքացիական խմբակցության» ղեկավարը պատասխանել է ձեր հարցերին»,-ասաց Սիսակ Գաբրիելյանը։
Անդրանիկ Քոչարյանն իր հերթին անդրադառնալով Պաշտպանության հանձնաժողովի նախագահի պաշտոնից հեռացնելու հարցին նշեց, որ տեղյակ չէ այդ լուրերից։
«Ես տեղյակ չեմ այդ տեղեկություններից»,- ասաց նա։
