Կիպրոսի ներկայացուցիչների պալատի նախագահը` «թավշյա» հեղափոխությունից հետո Հայաստանի հետ հարաբերությունների մասին

ԵՐԵՎԱՆ, 21 մայիսի. /Նովոստի Արմենիա/. Հայաստանի ու Կիպրոսի հարաբերությունները կախված չեն քաղաքական իրադարձություններից, լրագրողների հետ ճեպազրույցի ժամանակ Ազգային ժողովում ասաց  Կիպրոսի ներկայացուցիչների պալատի նախագահ Դեմետրիս Սիլուրիսը` պատասխանելով «թավշյա» հեղափոխությունից հետո երկու երկրների միջև հարաբերությունների մասին:

«Ցանկանում ենք տեսնել ուժեղ Հայաստան: Երկու երկրները պետք օգտագործեն իրենց պատմական կապերը շատ ոլորտներում ավելի արդյունավետ համագործակցության համար, մասնավորապես, տնտեսական ոլորտում` ի շահ ժողովուրդների», - ասաց Սիլլուրիսը: