ԵՐԵՎԱՆ, 16 հուլիսի. /Նովոստի–Արմենիա/. Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը։ Այս մասին նա գրել է Facebook–յան իր էջում։
Թուրքական ԶԼՄ–ների հաղորդմամբ, Նիշանյանն ուրբաթ դուրս է եկել բաց ռեժիմի բանտից և չի վերադարձել։
«Թռչունը թռավ. տարոսը մնացած ութսուն միլիոնին», – գրել է Նիշանյանը։
2014 թ.–ին Նիշանյանը դատապարտվել են ազատազրկման` մեղադրվելով սեփական հողատարածքում «ապօրինի շինարարություն կատարելու» մեջ։ Նա գտնվել է բանտում 2014 թ.–ի հոկտեմբերից, սակայն բազմաթիվ մտավորականների կարծիքով` Նիշանյանի ազատազրկման պատճառը «Սխալ հանրապետություն» խորագրով հեղինակային գրքի հրատարակումն է։–0–