Հայտնի է, թե ով կդառնա սփյուռքի նախարարի տեղակալն ու օգնականը

ԵՐԵՎԱՆ, 24 մայիսի. /Նովոստի Արմենիա/. ՀՀ սփյուռքի նախարար Մխիթար Հայրապետյանը հայտնել է, որ իր թիմը համալրվել է առաջին հայրենադարձով. Լուսի Վանա Կարապետյանն նշանակվել է օգնական:

Facebook-ի իր էջում նա հայտնել է նաև այն մասին, որ մեկ այլ հայրենադարձ կնշանակվի փախնախարարի պաշտոնում:

«Նախօրեին արտահերթ ժողով գումարեցինք նախարարության մի քանի ստորաբաժանումների ղեկավարների հետ` կապված «Արի տուն» ծրագրի հետագա քայլերի հետ: Ծրագրի շրջանակում նախարարության աշխատակիցները «Զվարթնոց» օդանավակայանում դիմավորեցին արտերկրից ժամանած շուրջ 50 դպրոցականներին», - գրել է Հայրապետյանը:

Սփյուռքի նախարարը հայտնել է նաև, որ հանդիպել է ԱՄՆ-ից ժամանած գործարարների հետ, ինչպես նաև ընդունել է Ֆրանսիայի Նանսի քաղաքի հայ համայնքի ղեկավարին:-0-