ԵՐԵՎԱՆ, 3 հուլիսի. /Նովոստի-Արմենիա/. Հայաստանը ՅՈՒՆԵՍԿՕ բողոք է ներկայացրել Ադրբեջանի դեմ Բաքվում անցկացվող ՅՈՒՆԵՍԿՕ-ի Համաշխարհային ժառանգության կոմիտեի 43-րդ նստաշրջանի կապակցությամբ: Այդ մասին չորեքշաբթի լրագրողների հետ հանդիպմանն ասաց ՀՀ ԱԳՆ մամուլի քարտուղար Աննա Նաղդալյանը:
Հունիսի 30-ից հուլիսի 10-ը Ադրբեջանում անցկացվում է ՅՈՒՆԵՍԿՕ-ի Համաշխարհային ժառանգության կոմիտեի 43-րդ նստաշրջանը: Հայաստանի պատվրակությունը դեռ ապրիլին հրավեր էր ստացել ՅՈՒՆԵՍԿՕ-ից` մասնակցել նիստին որպես դիտորդ երկիր:
Загружается новость ... "Лево"
«Այդ համատեքստում հայկական կողմը դիմել էր ՅՈՒՆԵՍԿՕ` հյուրընկալող կողմից անվտանգության հավելյալ երաշխիքներ ստանալու համար` հաշվի առնելովՀՀ քաղաքացիների և հայկական ծագում ունեցող քաղաքացիների մուտքի անհնարինությունն այդ երկիր, ինչպես նաև ամեն օր անցկացվող հակահայկական քարոզչության և այլատյացության հետ կապված», - ասաց Նաղդալյանը:
Նա նշեց, որ ՀՀ ԱԳՆ-ն մշտական կապի մեջ է գտնվել ՅՈՒՆԵՍԿՕ-ի քարտուղարության հետ, որը ջանքեր է գործադրել հյուրընկալող կողմից հայկական պատվիրակության համար անվտանգության երաշխիքներ ստանալու համար:
Սակայն, ըստ նրա, չնայած բոլոր ջանքերին, հունիսի 28-ին հայկական պատվիրակությունը ծանուցում է ստացել ՅՈՒՆԵՍԿՕ-ի գլխավոր քարտուղարից առ այն, որ Ադրբեջանը հրաժարվել է անվտանգության հավելյալ երաշխիքներ տրամադրել հայկական պատվիրակության անարգել մուտքի և մասնակցության համար:
«Այդպիսով, Ադրբեջանը խոչընդոտել է հայկական պատվիրակության մասնակցությանը միջոցառմանը, ինչը վատ նախադեպ է հանդիսանում, երբ Համաշխարհային մշակութային և բնական ժառանգության համաձայնության մասնակիցներից մեկը կարող է խոչընդոտել մյուս պետության մասնակցությունը», - ասաց Նաղդալյանը:
Ըստ նրա, այս համատեքստում Հայաստանը բողոք է ուղարկել ՅՈՒՆԵՍԿՕ-ի ղեկավարությանը և մասնակից այլ պետություններին` կոչ անելով ուշադրություն դարձնել նման պահվածքի վրա և խստորեն դատապարտել նման դիրքորոշումը:-0-