Արցախի ԱԽ քարտուղար է նշանակվել Արշավիր Ղարամյանը

ԵՐԵՎԱՆ, 26 հունիսի. /Նովոստի-Արմենիա/. Արցախի Հանրապետության նախագահ Բակո Սահակյանի հրամանագրով նշանակվել է Անվտանգության խորհրդի նոր քարտուղար: Այդ մասին հայտնում է Արցախի նախագահի մամուլի ծառայությունը:

«Նախագահ Բակո Սահակյանը հունիսի 26-ին ստորագրել է հրամանագիր, համաձայն որի` Արշավիր Ղարամյանը նշանակվել է Արցախի Հանրապետության Անվտանգության խորհրդի քարտուղար՝ ազատվելով Արցախի Հանրապետության Նախագահի հատուկ հանձնարարությունների գծով ներկայացուցչի պաշտոնից», - նշվում է տարածած հաղորդագրությունում:

Անվտանգության խորհրդի քարտուղարի պաշտոնը թափուր էր մնում 2019 թ.-ի հունիսի 11-ին Վիտալի Բալասանյանի հրաժարականից հետո: Բալասանյանն այդ պաշտոնը զբաղեցնում էր 2016 թ.-ի նոյեմբերի 3-ից:-0-