Հայաստանն օգնություն է ուղարկել Թուրքիա. սահմանը հատվել է առաջին անգամ 1993 թվականից ի վեր (ՎԻԴԵՈ)

ԵՐԵՎԱՆ, 11 փետրվարի./Նովոստի-Արմենիա/. Հայաստանը շաբաթ օրը հումանիտար օգնություն է ուղարկել Թուրքիա:

«Այսօր Հայաստանը հումանիտար օգնություն է ուղարկել Թուրքիա: Հումանիտար օգնությամբ բեռնված բեռնատարները հատել են սահմանին գտնվող Մարգարա կամուրջը և ուղևորվում են դեպի երկրաշարժից տուժած շրջան», - տեղեկացրել է ՀՀ ԱԳՆ մամուլի քարտուղար Վահան Հունանյանը Twitter-ի իր միկրոբլոգում:

Տրանսպորտային միջոցները հատում են հայ-թուրքական սահմանն առաջին անգամ 1993թ.-ից հետո, երբ փակվել է սահմանը թուրքական կողմից:-0-