Սամվել Բաբայանը նշանակվել է Արցախի անվտանգության խորհրդի քարտուղարի պաշտոնում

ԵՐԵՎԱՆ, 29 մայիսի./Նովոստի-Արմենիա/. «Միասնական Հայրենիք» կուսակցության նախագահ, ԼՂ պաշտպանության բանակի նախկին հրամանատար Սամվել Բաբայանը կզբաղեցնի Արցախի անվտնագության խորհրդի քարտուղարի պաշտոնը: Այս մասին այսօր ուղիղ եթերի ժամանակ հայտնել է ԱՀ նախագահ Արայիկ Հարությունյանը: 

«Վերջնական որոշումը կայացրել ենք երեկ Երևանում: Հանդիպել ենք, մինչ այդ Սամվել Բաբայանը չի ակնարկել որևէ պաշտոն զբողեցնելու առումով, միշտ եղել է պատրաստ համագործակցել՝ հանուն երկրի ապագայի, հանուն մեր ժողովրդի սոցիալական վիճակի բարելավման։ Երեկ ես առաջարկել եմ նրան զբաղեցնել Անվտանգության խորհրդի քարտուղարի պաշտոնը», - հայտնել է Հարությունյանը:

«Ուզում եմ նույն սկզբունքը հայտարարել, որ որևէ առևտուր չի եղել»,- նշել է Հարությունյանը՝ շնորհակալություն հայտնելով Բաբայանին իր նախագահության շրջանում նման պատասխաանտու պաշտոն ստանձնելու համար:-0-