Ռուսաստանը կարող է իր խաղաղապահներին բերել Արցախ միայն Ադրբեջանի և Հայաստանի համաձայնությամբ․ Պեսկով

ԵՐԵՎԱՆ, 4 հոկտեմբերի․ /Նովոստի-Արմենիա/․ Ռուսաստանը կարող է իր խաղաղապահներին Լեռնային Ղարաբաղ բերել միայն Ադրբեջանի և Հայաստանի համաձայնությամբ: Այս մասին РБК- ին ասել է ՌԴ նախագահի մամուլի քարտուղար Դմիտրի Պեսկովը:

«Խաղաղապահները կարող են մուտք գործել միայն երկու կողմերի համաձայնությամբ», - ասել է Պեսկովը:

ՀՀ վարչապետ Նիկոլ Փաշինյանը, պատասխանելով «Ալ-Ջազիրա» հեռուստաընկերության լրագրողի այն հարցին, թե արդյո՞ք նա ցանկանում է Արցախում տեսնել ռուս խաղաղապահներին, պատասխանել էր, որ այս խնդիրները կարող են քննարկվել ավելի լայն համատեքստում ԵԱՀԿ Մինսկի խմբի շրջանակում:-0-