«Պլաններ ու պայմանավորվածություններ են փոխվել». Արցախի Բերձոր և ևս 2 համայնքներ մնում են հայկական կողմին (ՄԱՆՐԱՄԱՍՆԵՐ)

ԵՐԵՎԱՆ, 27 նոյեմբերի./Նովոստի-Արմենիա/. Բերձոր, Աղավնո և Սուս համայնքների բնակիչները կարող են մնալ և ապրել իրենց տներում, այս մասին Aysor.am-ին հայտնել է Բերձոր համայնքի ղեկավար Նարեկ Ալեքսանյանը։

«Պլաններ ու պայմանավորվածություններ են փոխվել, Բերձոր, Աղավնո և Սուս համայնքների բնակիչները կարող են մնալ և ապրել իրենց տներում: Բերձորը, Աղավնոն և Սուսը շարունակում են մնալ հայկական կողմին, բնակիչներն էլ կարող են մնալ և ապրել», - հայտնել է Նարեկ Ալեքսանյանը՝ նշելով, որ այս մասին իրեն ասել է Քաշաթաղի շրջանի վարչակազմի ղեկավարի ժամանակավոր պաշտոնակատար Մուշեղ Ալավերդյանը։

Հիշեցնենք, որ նախօրեին բերձորցիներին ասվել է, որ մինչև նոյեմբերի 30-ն իրենք պետք է լքեն իրենց տները, քանի որ Բերձորն Ադրբեջանին է հանձնվելու: Aysor.am-ի հետ զրույցում Ալավերդյանը հայտնել էր, որ բնակիչներին կոչ է արել հավաքել սեփականությունն ու լքել տները:-0-