ԵՐԵՎԱՆ, 27 հոկտեմբերի․/Նովոստի-Արմենիա/․ ՀՀ վարչապետ Նիկոլ Փաշինյանը հայտնել է, որ Ղարաբաղում հրադադարի հաստատման շուրջ միջազգային հանրության ջանքերը, այս անգամ ԱՄՆ-ի միջնորդությամբ, ձախողվել են։
Загружается новость ... "Лево"
Ղարաբաղում հումանիտար հրադադարի հաստատման ռեժիմն ուժի մեջ է մտել հոկտեմբերի 26-ին՝ տեղական ժամանակով ժամը 08։00-ին։ Սակայն, հայկական կողմի հայտարարության համաձայն, մեկ ժամ չանցած Արդբեջանը, կոպտորեն խախտելով ձեռք բերված պայմանավորվածությունը, հրետանային կրակ է վարել Արցախի հյուսիսարևելյան մարտական դիրքերի ուղղությամբ:
«Այսօր Արցախում Ադրբեջանի կողմից չդադարող հրթիռակոծության հետևանքով խաղաղ բնակիչներ են մահացել, կան վիրավորներ»,- գրել է Փաշինյանն իր Twitter-ում։
Փաշինյանն իր գրառման վերջում նշել է ԱՄՆ նախագահ Դոնալդ Թրամփի։
Իսկ նախորդ գրառման մեջ Փաշինյանը արձանագրել է, որ Ռուսաստանի, ԱՄՆ-ի և Ֆրանսիայի նախագահներն անկեղծորեն ցանկանում են հրադադարի ռեժիմի հաստատում և այդ ուղղությամբ ջանքեր են գործադրում։ Այստեղ նա նշել է Կրեմլին, Թրամփին և Ֆրանսիայի նախագահ Էմանուէլ Մակրոնին։
Արցախի դեմ Արդբեջանի սանձազերծած (սեպտեմբերի 27-ից․ խմբգր) ագրեսիայի սկզբից եղել է հումանիտար հրադադարի ռեժիմի հաստատման երեք փորձ (մարտական գործողությունների գոտուց մահացածների դիերի և ռազմագերիների փոխանակման նպատակով)։ Բոլոր երեք պայմանավորվածությունները, որոնք ձեռք են բերվել հոկտեմբերի 10-ին ՌԴ-ի միջնորդությամբ, հոկտեմբերի 17-ին Ֆրանսիայի միջնորդությամբ և հոկտեմբերի 25-ին ԱՄՆ-ի միջնորդությամբ, խախտվել են Ադրբեջանի կողմից։ -0-
