Մարդասիրական օգնության երկրորդ շարասյունն ուղևորվեց Արցախ

ԵՐԵՎԱՆ, 20 ապրիլի. /Նովոստի–Արմենիա/. Մարդասիրական օգնության երկրորդ շարասյունն ուղևորվեց Արցախ չորեքշաբթի, հայտնում է Հայաստանի արտակարգ իրավիճակների նախարարության մամուլի ծառայությունը։

Շարասյունը բաղկացած է չորս բեռնատարներից։

«Աջակցություն ցուցաբերենք սահմանամերձ համայնքներին» քաղաքացիական նախաձեռնության շրջանակում հավաքվել է մարդասիրական օգնության խոշոր խմբաքանակ, այդ թվում` սննդամթերք, դեղորայք։ Մարդասիրական օգնությունը տեղ հասցնելու կազմակերպումը և համակարգումը հանձնարարվել է ԱԻՆ–ին։

ԱԻՆ տվյալներով, Մայր Աթոռ Սուրբ Էջմիածնի Հայորդաց տունն Արցախին է նվիրաբերել 35 արկղ սննդամթերք, Քանաքեռի Ռուսաստանի ՊՆ N21 ռուսական դպրոցի աշակերտները հավաքել են հիգիենայի պարագաների երկու արկղ և հագուստ, հայ–հունական քոլեջի սաները` պարենային ապրանքներ։

«Եվրոֆարմ» ընկերությունը մարդասիրական օգնության շրջանակում 7000 միավոր բախիլ և բժշկական դիմակ է հատկացրել, «Բոլտն» ընկերությունն արցախահայերի համար հավաքագրել է 6 արկղ հիգիենայի պարագաներ:

Ապրիլի 2–ից 5–ն ադրբեջանական ԶՈՒ–ն ղարաբաղաադրբեջանական շփման գծի հարավային, հարավարևելյան և հյուսիսարևելյան ուղղություններով ձեռնարկել է բացահայտ հարձակողական գործողություններ` հրետանիով, զրահապատտրանսպորտայինմիջոցներով և ավիացիայով: ԼՂՀ պաշտպանության բանակը հաջողությամբ ճնշել է հակառակորդի գործողությունները` հասցնելով մեծ վնասներ։ -0-