Ղարաբաղի նախագահը հանդիպում է ունեցել «Ազատ հայրենիք» կուսակցության ղեկավարության հետ

Արցախի Հանրապետության նախագահ Բակո Սահակյանը հունվարի 20-ին հանդիպում է ունեցել «Ազատ հայրենիք» կուսակցության  ղեկավար կազմի հետ` կուսակցության առաջնորդ Արա Հարությունյանի գլխավորությամբ, հայտնում է ԼՂՀ նախագահի աշխատակազմի տեղեկատվության գլխավոր վարչությունը:

Հաղորդագրության համաձայն, հանդիպմանը քննարկվել են Արցախի ներքին և արտաքին քաղաքականությանը վերաբերող հարցեր:

«Նախագահ Սահակյանը նշել  է, որ հանրապետության քաղաքական ուժերի և կուսակցությունների  հետ կարևոր հարցերի քննարկումը դարձել է բարի ավանդույթ և դրական է ազդում ներքին քաղաքական դաշտի կայացման ու զարգացման վրա»,- ասվում է հաղորդագրության մեջ: -0-