Վառվել են Արցախի գլխավոր տոնածառի տոնական լույսերը
Նախօրեի երեկոյան վառվել են Լեռնային Ղարաբաղի Հանրապետության գլխավոր տոնածառի տոնական լույսերը, հայտնում է Ստեփանակերտում «Նովոստի-Արմենիա» գործակալության թղթակիցը:
Տոնածառը տեղադրվել է Ստեփանակերտի «Վերածննդի» կենտրոնական հրապարակում: Հրապարակում անցկացվել է տոնական միջոցառում Ձմեռ Պապի, Ձյունանուշի և ժողովրդական հեքիաթների հերոսների մասնակցությամբ:
Երեխաները բանաստեղծություններ են արտասանել և երգեր են երգել, նրանց բաժանվել են նվերներ: Հավաքվածների առջև ելույթ են ունեցել Ստեփանակերտի պարային համույթները:
Տոնական միջոցառումը կազմակերպվել է ԼՂՀ մշակույթի և երիտասարդության հարցերի նախարարության և Ստեփանակերտի քաղաքապետարանի նախաձեռնությամբ:
Երկրի գլխավոր տասնվեցմետրանոց արհեստական տոնածառը 2008 թվականին ԼՂՀ-ի մայրաքաղաք է բերվել Հոնկոնգից ղարաբաղյան «Կանցլեր» ԲԲԸ-ի կողմից: Եվս մեկ արհեստական տոնածառ է կանգնեցվել Ստեփանակերտի Հաղթանակի հրապարակում: -0-
