Ղարաբաղի և Ադրբեջանի ԶՈւ շփման գծում իրականացված ԵԱՀԿ դիտարկումն անցել է առանց միջադեպերի

Սեպտեմբերի 8-ին Ղարաբաղի և Ադրբեջանի ԶՈւ շփման գծում ԵԱՀԿ առաքելության պլանային դիտարկումն անցել է ըստ նախատեսված ժամանակացույցի, հաղորդում է ԼՂՀ ԱԳՆ մամուլի ծառայությունը:

«Դիտարկման ընթացքում կրակի դադարեցման ռեժիմի խախտումներ չեն արձանագրվել», - նշվում է տեղեկատվության մեջ:

Դիտարկումը, Լեռնային Ղարաբաղի Հանրապետության  իշխանությունների հետ նախօրոք ձեռք բերված պայմանավորվածության  համաձայն, անցել է Մարտակերտի  ուղղությամբ` Թալիշ բնակավայրից դեպի հյուսիս:

ԼՂՀ Պաշտպանության բանակի դիրքերից դիտարկումն իրականացրել են  ԵԱՀԿ գործող նախագահի անձնական ներկայացուցչի (ԳՆԱՆ) դաշտային օգնականներ Անթալ Հերդիչը (Հունգարիա) և Խրիստո Խրիստովը (Բուլղարիա): Դիտարկման առաքելությանը ղարաբաղյան կողմից ուղեկցել են ԼՂՀ Արտաքին գործերի նախարարության և Պաշտպանության նախարարության ներկայացուցիչները:

Հակառակ կողմից դիտարկման խմբում էին ԵԱՀԿ գրասենյակի համակարգող Իմրե Պալատինուսը (Հունգարիա), ԳՆԱՆ դաշտային օգնականներ Ուիլյամ Պրայորը (Մեծ Բրիտանիա) և Մարիուս Պուոձիունասը (Լիտվա):-0-