ԼՂՀ ԱԳՆ-ն ԵԱՀԿ քարտուղարություն է ուղարկել ԼՂՀ խորհրդարանի հայտարարության տեքստը
ՍՏԵՓԱՆԱԿԵՐՏ, 30 նոյեմբերի. /Նովոստի-Արմենիա/. Լեռնային Ղարաբաղի Հանրապետության արտաքին գործերի նախարարությունը ԵԱՀԿ քարտուղարություն է ուղարկել ԼՂՀ Ազգային ժողովի` 2009 թվականի նոյեմբերի 25-ին ընդունած հայտարարության տեքստը` ԵԱՀԿ արտաքին գործերի նախարարների դեկտեմբերի 1-ից 2-ը Աթենքում նախատեսված նիստի մասնակիցների շրջանում տարածելու համար:
Ինչպես երկուշաբթի «Նովոստի-Արմենիա» գործակալությանը հայտնեցին ԼՂՀ ԱԳՆ մամուլի ծառայությունից, համապատասխան նամակ է ուղարկվել նաև ԵԱՀԿ գործող նախագահ Ջորջ Պապանդրեուին, իսկ պատճենը` ԵԱՀԿ գործող նախագահի անձնական ներկայացուցիչ դեսպան Անջեյ Կասպրշիկին:
ԼՂՀ Ազգային ժողովը հայտարարությունն ընդունել է ադրբեջանաղարաբաղյան հակամարտության կարգավորման գործընթացում պաշտոնական Բաքվի ագրեսիվ քաղաքականության կապակցությամբ: -0-
